മൂന്ന്
ബുധനാഴ്ച കവിതകള്‍
1
എവിടെ തൊട്ടാണ്
ആ പൂവ് വിടര്‍ത്തുന്നത് ?
ഉള്ളിന്‍റെ ഉള്ളിന്‍റെ ഉള്ളില്‍
മൊട്ടായിനില്‍ക്കുന്ന പൂവ്
അലിഞ്ഞലിഞ്ഞു തീര്‍ന്നു പോകുന്നതുകൊണ്ട്‌
പലപ്പോഴും തിരിച്ചറിയാറില്ല ഞാന്‍
നീ തൊടുന്ന ഇടങ്ങള്‍.
2
എനിക്കീ
ആള്‍ക്കുട്ടത്തില്‍
ഇല്ലാണ്ടാവണം.
നിങ്ങളെല്ലാരും
എന്നെത്തന്നെ
നോക്കികൊണ്ടിരുന്നാല്‍
എങ്ങനെ?
3
പൊത്തോന്നു വീണു
കിടക്കേന്നു നിലത്തേക്ക്
പൊത്തോന്നു വീണില്ല പക്ഷെ
നിലത്തുന്നു ഉറക്കത്തിലേക്ക്
പോട്ടെന്നുവച്ചു ഞാന്‍
സ്വപ്നങ്ങളെ
പക്ഷെ
പോട്ടെന്നുവയ്ക്കില്ല
അവറ്റകള്‍ എന്നെ.
